དར་སྐུད་དམར་པོ། བོད་བརྙན༼ དར་སྐུད་དམར་པོ ༽འི་བརྗོད་དོན་གླུ་གཞས། གཞས་ཚིག ཁྲི་བཀྲ་རྒྱམ། གཞས་གདངས།དཔལ་ཆེན་དབང་རྒྱལ། གཞས་པ། དཔལ་ཆེན་དབང་རྒྱལ། རུ་སྡེ་ཁྲ་མོ་ཞིག་ན།། བརྩེ་སེམས་འོ་ཆུ་འདྲེས་སའི།། སྙིང་གཏམ་བྲོ་ཁ་སློང་སའི།། སྙིང་གི་ཚེ་ཡ་གཅིག་ཡོད།། ཚེ་གྲོགས་སྙིང་གི་བུ་མོར།། ཚེ་ལ་བར་ཆད་མེད་ན།། ལས་ཀྱི་དར་སྐུད་དམར་པོ།། མི་ལྷོད་དམ་དུ་བརྒྱབ་ཆོག ། ཨོ་་་དམ་ཚིག་ཤེལ་གྱི་མེ་ལོང་།། རང་རང་སེམས་ན་གསལ་ཡོད།། རང་སེམས་སྲུང་བའི་བུ་མོ།། གཏན་གྱི་འདུན་མར་བསུས་ཆོག ། རུ་སྡེ་ཁྲ་མོ་ཞིག་ན།། ཁ་ཚིག་མཐུན་པ་ལབ་སའི།། ཁ་སེམས་ཕྱི་ནང་མེད་སའི།། ལས་ཀྱི་སྐྱ་ཡ་གཅིག་ཡོད།། མི་ལུས་རིན་ཆེན་ཟེར་ཡ།། མི་འདོད་ནད་ཀྱིས་འཕུང་ན།། ལས་ཀྱི་དར་སྐུད་དམར་པོ།། མི་འདོད་སོ་སོར་གྱེས་འགྲོ།། ཨོ་་་འདུ་བྲལ་འཁོར་བའི་ཆོས་ཉིད།། ལྡོག་ཐབས་མེད་པ་ལས་རེད།། ཚེ་རབས་རྗེས་མ་ཞིག་ལ།། འཛོམས་པའི་སྨོན་ལམ་བརྒྱབ་ཆོག །
促销中
红丝带伴奏–巴金旺甲
¥350.00
